OT SO‘Z TURKUMIGA OID LEKSEMALARDA HAJM-O‘LCHOVNING FONOSEMANTIK IFODASI

Abstract

Ushbu maqolada o‘zbek tilidagi hajm ma’nosini ifoda etuvchi ot so‘z turkumiga oid leksemalar orqali o‘zbek tilidagi unli tovushlarning hajm-o‘lchov ma’nosiga aloqadorlik xususiyati tahlil etiladi. Ot so‘z turkumidagi hajm ma’nosini ifodalovchi leksemalarning aksariyati katta va kichik so‘zlari kabi biri qo‘llanganda ikkinchi jufti ongda faollashadi. Bunday holatlarda ma’noning fonetik differensiatsiyasi aniq ko‘rinadi. Shu bois bunday so‘zlar ko‘pincha nutqda yonma-yon qo‘llaniladi va nutq ta’sirchanligini oshirishga xizmat qiladi. Ushbu tahlil jarayoni bevosita jahon tilshunosligida fonosemantika sohasida asoslangan nazariyalarga tayanildi.