“FAVOYID UL-KIBAR”NING TURKIYA NASHRI MATNI XUSUSIDA

Аннотация

Alisher Navoiy asarlarini o‘rganish va nashr etish borasida Turkiyada salmoqli ishlar amalga oshirilgan. Hatto Turkiyadagi navoiyshunoslik alohida fan tarmog‘i sifatida ilgariroq shakllangani va yaxshi rivoj topganini kuzatish mumkin. Turkiyaning turli fondlarida qimmatli qo‘lyozmalar saqlanishi ham xorij davlatlariga nisbatan undagi turkiy tilli olimlarga qulaylik tug‘diradi. Shunga ko‘ra Alisher Navoiy asarlari bo‘yicha bajarilgan tadqiqotlar sirasida matnshunoslikka doir qiyosiy-yig‘ma matnlar va nashrlar ham ancha qismni tashkil etadi. Bugun ularni O‘zbekistondagi nashrlarga qiyosan tekshirish imkoniyati har zamongidan ham ko‘proq. Mazkur maqolada “Xazoyin ul-maoniy” kulliyoti tarkibiga kiruvchi “Favoyid ul-kibar”ning turk olimi Onal Kaya tomonidan tayyorlangan qiyosiy-yig‘ma matniga xos xususiyatlar yoritiladi.