Taqdimotlar

Muallif ko'rsatmalar

“ADABIY MEROS” JURNALIGA QABUL QILINADIGAN MAQOLALARGA QO‘YILADIGAN TALABLAR

Nashrga original, ilgari nashr qilinmagan maqolalar va jurnal mavzusiga mos keladigan materiallar qabul qilinadi.

Original maqolaning hajmi (annotatsiya, kalit so‘z va so‘z birikmalari hamda foydalanilgan adabiyotlar ro‘yxati bundan mustasno) 1 intervaldan 10–12 betdan oshmasligi kerak.

  • Matn — Microsoft Word.
  • Format — A4.
  • Matnning ikki yonida qoldiriladigan o‘lcham — 2 sm.
  • Shrift — Times New Roman.
  • Shriftning kattaligi — 14.
  • Qatorlar oralig‘i — 1, xat boshi — 1,25.
  • Maqolalar o‘zbek, rus, ingliz, turk tillarida qabul qilinadi.

Maqolaning tuzilishi

Maqolaning tuzilishi quyidagicha tavsiya etiladi:

Qo‘lyozmaning nomi

Maqola va boshqa materiallar sarlavhasi qisqa, mazmunga muvofiq va 12 so‘zdan oshmasligi kerak.

Mualliflar

Mualliflarning to‘liq nomlari quyidagi tartibda qayd etilishi kerak: ismi, otasining ismi, familiyasi; ikki yoki undan ortiq mualliflar bo‘lsa, vergul bilan ajratiladi.

Muallif(lar)ning ish joyi

Ushbu ma’lumot quyidagi tartibda taqdim etilishi kerak: kafedra, institut, shahar va mamlakat.

Yozishmalarga javobgar muallif

Ismi, otasining ismi, familiyasi; bo‘lim, muassasa, mamlakat, to‘liq pochta manzili, telefon raqami, faks raqami, elektron pochta manzili keltirilgan bo‘lishi kerak.

Maqolaning sarlavhasi (ingliz, rus va o‘zbek), muallif (mualliflar) haqidagi ma’lumotlar lotin alifbosi (transliteratsiya)da beriladi.

Annotatsiya va kalit so‘zlar

Annotatsiya — ilmiy xarakterdagi maqola hajmidan tashqari berilgan ingliz, rus va o‘zbek tillaridagi qisqacha bayon.

Annotatsiyada maqolaning asosiy jihatlarini bayon etishda quyidagilarga e’tibor beriladi:

  • Tadqiqotning asosiy ma’lumotlarini qamrab olishi va ishda mavjud bo‘lmagan faktlar bo‘lmasligi lozim.
  • Maqolaning tuzilishi annotatsiyada takrorlanadi: kirish, maqsad va vazifa, usullar, natija/muhokama, xulosa/mulohaza.
  • Natijalar aniq va lo‘nda bo‘lib, uzviylikda beriladi.
  • Annotatsiyada maqola sarlavhasi takrorlanmaydi, keraksiz izohlar, “kirish jumlalari” (“Muallif maqolada shuni nazarda tutdiki...”) bo‘lmasligi lozim.
  • Annotatsiyada iqtibos keltirilmaydi.
  • Annotatsiya matnining hajmi 250–300 so‘zdan iborat bo‘lishi lozim.
  • Annotatsiya ostida “Kalit so‘z va so‘z birikmalari” (8–10 ta) yozuvi joylashtiriladi.
  • Kalit so‘zlar maqolaning asosiy mazmunini ifodalab, asosan sohaga doir muhim tushunchalardan tashkil topgan bo‘lishi lozim.

Kirish

Maqolada tadqiqotning maqsadi va maqola yozilishi vaqtida ilmiy muammoning holati aks etishi kerak.

Maqsad va vazifa

Maqolaning mazmun-mohiyati maqsad va vazifalaridan kelib chiqqan holda tizimli ravishda ochib beriladi.

Usullar

Tadqiqot usullari batafsil tavsiflangan bo‘lishi lozim.

Natijalar va mulohazalar

Natijalar va mulohazalar kengaytirilgan shaklda taqdim etilishi kerak (ba’zi o‘rinlarda jadvallar va tasvirlar yordamida), shuningdek, ilgari nashr etilgan natijalarning qiyosiy tahlili va talqini beriladi.

Xulosa

Kirish qismida qo‘yilgan savollarga javoblar, xulosalar aniq ko‘rsatilishi kerak.

Foydalanilgan adabiyotlarning berilish tartibi

  • Adabiyotlar ro‘yxati lotin alifbosiga transliteratsiya qilinadi.
  • Ro‘yxatga kiritilgan adabiyotlar soni 10 tadan kam, 50 tadan oshmasligi kerak.
  • Maqola matni ichida adabiyotlar quyidagicha berilishi lozim: [Muallif familiyasi, nashr yili: sahifa].
  • Masalan: Familiya, ism (nashr yili). Asar nomi, nashriyot nomi, shahar, sahifa.

Arizalarni tayyorlash uchun nazorat ro'yxati

Barcha taqdim etilayotgan maqolalar quyidagi talablarga javob berishi kerak:

  • Maqola “Muallif ko‘rsatmalari”da belgilangan talablarga javob beradi.
  • Maqola ilgari nashr etilmagan va boshqa jurnalda ko‘rib chiqilmayapti.
  • Barcha adabiyotlar (havolalar) aniqlik va to‘liqlik nuqtai nazaridan tekshirilgan.
  • Barcha jadval va rasmlar raqamlangan va nomlangan.
  • Maqolaga kiritilgan barcha fotosuratlar, ma’lumotlar to‘plamlari va boshqa materiallarni nashr etish uchun ruxsat olingan.

Maxfiylik bayonoti

Ushbu jurnal sahifasiga kiritilgan ismlar va elektron pochta manzillari faqat ushbu jurnalning belgilangan maqsadlari uchun ishlatiladi va boshqa hech qanday maqsadda yoki boshqa tomonlarga taqdim etilmaydi.