Ayyub, chig‘atoy adabiyoti, muxammas, marsiya, motam lirikasi, avtobiografik motiv, farzand yo‘qotish fojiasi, poetik san’atlar, mumtoz she’riyat.
Abstrak
Mazkur maqolada turkiy shoir Ayyub ijodining muhim namunasi bo‘lgan muxammas janridagi marsiyasi tahlil qilinadi. Tadqiqotda adibning yagona farzandi Sobirning bevaqt vafoti bilan bog‘liq avtobiografik holatlar she’riy matn asosida ochib beriladi. Muxammas bandlarining mazmuniy-kompozitsion tuzilishi, poetik san’atlar tizimi, qofiya va radiflarning badiiy vazifasi ilmiy jihatdan yoritiladi. Asarda motam, alam, hijron, bevaqt o‘limdan shikoyat singari mavzular Ayyub lirikasining yetakchi g‘oyaviy-estetik mezoni sifatida talqin qilinadi. Shuningdek, marsiya janrining fors-tojik va turkiy adabiyotdagi tarixiy ildizlari, ularning Ayyub ijodi bilan uzviy aloqasi ko‘rsatib beriladi. Tadqiqot natijalari Ayyub shaxsiy fojiasining she’riy ifodasi uning ijodini ijtimoiy-estetik jihatdan yuksak darajaga ko‘targanini asoslashga xizmat qiladi.
