ALPHABET REFORM IN UZBEKISTAN AND ISSUES OF PUBLISHING FOLKLORE MATERIALS

Abstract

Bokuda boʻlib oʻtgan birinchi Turkologiya qurultoyining bu yil yuz yilligi nishonlanmoqda. Bu qurultoy turkologiya tarixida oʻziga xos iz qoldirdi. Qurultoyda faqatgina til, yagona alifboga oʻtish masalasi kun tartibiga qoʻyilgani yoʻq. Turkiy xalqlarning tili, folklori, tarixi, madaniyati va yozma adabiyoti bilan bogʻliq muammolar ham yaxlitlikda olib qaralishni taqoza etardi. Garchand, shoʻro siyosatchilarining asl maqsadlari boshqa boʻlsada, bu qurultoyda koʻtarilgan masalalar haligacha oʻz ahamiyatini yoʻqotgani yoʻq. Boku qurultoyidan soʻng Oʻzbekistonda ham alifbo islohoti amalga oshirildi. Bu islohot boshqa sohalar qatori oʻzbek folklorshunosligida oʻziga xos ahamiyatga ega. Chunki, xalq ijodining koʻplab namunalari jonli ijro holatida yangi alifboda yozib olingan. Mazkur maqolada XX asr boshidagi alifbo islohoti va folklor namunalarini yozib olish, nashr etish bilan bogʻliq masalalar tahlil etiladi.